ഒരു
നിശ്ശബ്ദാഭിമുഖം
-9-
തെറ്റും ശരിയു,മെന്നാളും
സമൂഹസൃഷ്ടി,യല്ലയോ?
വന്നു പോകുന്ന സത്യങ്ങ-
ളല്ലാതെന്ത് മമാശ്രയം?
സമൂഹപ്പൊതു നന്മയ്ക്കേ
പുണ്യപാപങ്ങളൊക്കെയും.
കാലം തോറു,മിടം തോറും
മാറീടുന്നവ നിശ്ചയം.
വിശ്വാസം ദൃഢമാണെങ്കി-
ലതേ സത്യം സ്വചിന്തയിൽ.
അതാർക്കുമതു താനത്രേ
ഇല്ല യാതൊരു ഭേദവും.
വ്യക്തി സത്യം തെളിച്ചോട്ടെ
തന്റെ,യേകാത്മ പാതകൾ.
മറക്കായ്ക സമൂഹത്തിൻ
നീതിയും പൊതുധാരയും.
പൊതു വീഥി,യൊരുത്തർക്കും
സ്വന്തമല്ല നിനയ്ക്കുക.
പൊതു പാതകളേവർക്കും
സ്വന്തമെന്നും നിനയ്ക്കുക.
ഇതിലേയെന്നു ചൊന്നീടാ-
നാരാണു വഴി കണ്ടവൻ?
------------------------തുടരും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ