ഒരു
നിശ്ശബ്ദാഭിമുഖം
-7-
പ്രപഞ്ചത്തിൻ മഹാപ്രാണൻ
തനുവിൻ പ്രാണ,നെന്നപോൽ,
ഏതിടത്തും വസിക്കുന്നു
മൂർത്താമൂർത്ത,മനശ്വരം,
ജീവിച്ചീടുന്നു കാലത്തി-
ന്നനാദ്യന്ത പ്രഹേളിയിൽ!
സർവ്വസത്ത,യിതേസത്യം
സമാധാരം സമസ്തവും
പ്രപഞ്ചാത്മാ,വിതേദൈവ-
മേതു പേരിൽ വിളിക്കിലും!
ജീവാത്മാവു,മതേ ദൈവം
സർവ്വം പ്രാണ നിബന്ധിതം !
ചരാ ചരങ്ങളെല്ലാവും
ജനിച്ചീ ദൈവ സത്തയിൽ !
മനുഷ്യപുത്ര,നാകുന്നു
ജനിച്ചവരി,ലുന്നതൻ!
അവൻ ദൈവ സുതൻ തന്നെ
അശേഷ,മില്ല സംശയം!
ദൈവപുത്രനവൻ മാത്ര-
മെന്നു ചൊല്ലുന്ന ദർശനം
ഹരിച്ചാലും മഹാത്മാവേ,
എല്ലാം നിൻ മക്കളാകയാൽ!
------------------------തുടരും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ