ദിനചതുരങ്ങൾ

ഇടംവലം

പേരു നന്നു്, മുഖം കൊള്ളാ-

മുള്ളിലാടോ, കുറുക്കനോ?

കുലം കാക്കും സഖാക്കൾ തൻ

കൃതി കണ്ടങ്ങു നിൽക്കയോ?

കരിക്കു പോൽ മുഖം കുത്തി

തുളച്ചാർക്കു കൊടുക്കുവാൻ?

വെട്ടി വെട്ടി നുറുക്കുന്ന-

താർക്കു സദ്യയൊരുക്കുവാൻ?

എവിടെപ്പിഴ? കാണാത്ത

കൊട്ടാരം കണ്ടു പോയതോ?

അവിടെപ്പൂത്ത രത്നങ്ങൾ

നിറങ്ങൾകെട്ടു ചീഞ്ഞതോ?

ചോരക്കണ്ണു തുറിക്കുന്നു

വീണുപോയൊരു  യൌവ്വനം!

ഇടത്തേയ്ക്കോ വലത്തേയ്ക്കോ

വളരുന്നതു വിപ്ലവം?

     ----*----